btates_hEmO
مراقب عام
عدد الرسائل : 56
العمر : 37
المزاج : في التمكمك
تاريخ التسجيل : 25/08/2007
 | | موضوع: هيه جات على الرز 2007-09-04, 10:11 pm | |
| بالبلدي الفصيح
هيه جات على الرز
السلام عليكم ورحمة الله وبركاته وكيف حالكم يا حبايب اهو رجعنالكم
ورجعنا للغلب تاني يللا الله يعيننا ويعينكم وصدقوني انه لكم وحشه.... المهم لا اطول عليكم وخلينا في هرجتنا حق اليوم ...... دحين انت جبت المقاضي كلها ونسيت ما تجيب الرز وانا كتبتوا لك في الورقه 00 ايش قلتي الرز اصحك تجيبي سيرة الرز تاني هوه انتي ما سمعتي وزير التجاره
ايش يقول؟ ...ايش بيقول يا سيدي ؟ بيقول هوه انتو حتقعدوا تاكلوا رز الييين متى طووول عمركم بتاكلوا رز خلاص شوفولكم حاجه تانيه والا اشتروا أي نوع تاني من الارزاز يكون سعره على قدكم وبلاشي تاكلوا من الرز الطيب شفتي كيف حلها الوزير ودبرها على بال معاليه انه نحنا الغلابا طايحيين طيح في الكافيار والاكلات الفرنسيه والايطاليه والمكسيكيه عشان كده بقولك اصحك تجيبي سيرة الرز لا وقال كمان( مدوا رجولكم على قد لحافكم) هوه عاد باقي لحاف الهوامير اكلوا الاخضر واليابس في الاسهم وفواتير الهاتف والكهرباء والايجارات ما قصرت جابت خبرنا
ونفضت جيوبنا والاسعار اللي كل يوم بتزيد دمرت حياتنا لا وبيقول كمان انه ما يعرف سبب ارتفاع الاسعار اذا كانت وزارة التجارة ما تعرف سبب ارتفاع الاسعار مييين ح يعرف يا سعادة الوزير عشان كده بقول لمعاليه اللي يده في المويه مو زي اللي يده في النار وبعدين هيه جات على الرز يا معالي الوزير الاسعار كلها صارت حريقه الالبان والاجبان والحليب واللحوم والاسماك والدجاج حتى عمدة رمضان..... ( الفول ) جاتو العدوه واي شي يخطر في بالك زاد سعره لا المصيبه والللي يفطس من الضحك انه نسمعهم يقولوا انه الرز صار مرتبط بالدولار وبعدين اللي يموتك قهر ويخلي مصارينك تتعروج فييين الموظفيين حقون وزارة التجاره والصناعه مو هما بيقولوا انهم عندهم خدمة استقبال الشكاوي حق المواطنييين وانهم ح يسووا اللازم على هادي الشكاوي فييين هادا اللازم اللي نحنا محنا شايفين له لا طريق ولا شارع والا الحكاية كلها تيتي تيتي زي ما رحتي زي ما جيتي ..... وانتو يا تجار الله يكافيكم على اللي قاعدين تسوووه فينا ترى ما حتاخدوا شي معاكم كلها الحكايه حفره ومتر قماش وقطنه وفي رب اسمه الكريم ح ينصفنا منكم ..... وانت يا وزير التجاره اتمنى انك ما تزعل من كلامي لانه انا ابن بلد وجالس بتكلم مع مسؤول في بلدي وعيشوووا كتييير تشوفوا كتيييير مسروووووق | |
|
lomlom
Admin
عدد الرسائل : 438
العمر : 36
الموقع : https://lolz.forumarabia.com
العمل/الترفيه : student
المزاج : عال العال
تاريخ التسجيل : 20/08/2007
| | موضوع: رد: هيه جات على الرز 2007-09-05, 1:12 am | |
| ههههههه
طب انتا تحب الرز؟؟ انا عن نفسي محبوووش!
يسلمو ع الموضوع.. | |
|
مليحه فرنكش 007
مشرفـة لولـز هرجات
عدد الرسائل : 378
العمر : 35
المزاج : زي الفل
تاريخ التسجيل : 29/08/2007
| | موضوع: رد: هيه جات على الرز 2007-09-05, 2:40 am | |
| حتى في السعوديه غليت الاسعار
على بالنا بس في الامارات
وربنا يعين
ومرسي ياسي السيد | |
|
وحـ ـ ـ ده شبهــ نفسهـ ـا
لولز فعـال
عدد الرسائل : 329
العمر : 33
الموقع : المدينه المنوره
العمل/الترفيه : طالبه
المزاج : كويس
تاريخ التسجيل : 31/08/2007
| | موضوع: رد: هيه جات على الرز 2007-09-05, 12:19 pm | |
| من جد
الله يعين
خليها على ربك بس | |
|
